Kumudam

Kumudam

This is the official podcast of "Kumudam". We will create content with celebrities, politicians, and social media influencers. So please subscribe to our podcast to receive future updates. read less

காதல் வலையில் வீழ்த்தி இரண்டாவது திருமணம்! வரதட்சணை கொடுமை!! பரிதவிக்கும் பெண்!!!
24-01-2023
காதல் வலையில் வீழ்த்தி இரண்டாவது திருமணம்! வரதட்சணை கொடுமை!! பரிதவிக்கும் பெண்!!!
இந்த நிலையில், சில்பா அவருடைய பெற்றோருடன் சென்று சேத்துவண்டை ஊர் பெரியவர்களிடம் முறையிட்டுள்ளனர். அபோதுதான் ஏற்கனவே சுரேஷ் கிருஷ்ணா என்பவருக்கு ஏற்கனவே திருமணம் ஆனதும், அந்த பெண்ணையும் வரதட்சணை கேட்டு அடித்து துரத்தியதாகவும் ஊர் மக்கள் மூலம் தெரியவந்தது. ஊர்மக்களின் பேச்சுவார்த்தைக்கு பின்பு, சில்பாவோடு சுரேஷ் கிருஷ்ணா சேர்ந்து வாழ்வதாக உறுதி அளித்துள்ளார். ஆனால், 2 வாரங்கள் மட்டுமே அன்பாக நடப்பதுபோல் நடித்து மீண்டும் வரதட்சணை கேட்டு சில்பாவை அடித்து துரத்தியுள்ளார்கள். மேலும் சுரேஷ் கிருஷ்ணா மூன்றாவது திருமணம் செய்துகொள்வதற்கு வேறோரு பெண்ணிடம் செல்போனில் பேசி வருவது தெரியவந்துள்ளது. இந்த நிலையில், சில்பா கணவர் சுரேஷ் கிருஷ்ணா மீதும் அவருடைய குடும்பதார் மீது கடும் நடவடிக்கை எடுக்க கோரியும், மூன்றாவதாக பாதிக்கப்பட்ட பெண்ணை காப்பாற்ற கோரியும் வேலூர் மாவட்ட காவல் கண்காணிப்பாளர் ராஜேஷ்கண்ணனிடம் கண்ணீர் மல்க புகார்  கொடுத்தார். புகாரின் அடிப்படையில் நடவடிக்கை எடுக்கப்படும் என உறுதி அளித்த பின் அந்த பெண் அங்கிருந்து சென்றார்.
திண்டுக்கல்லில் பட்டப் பகலில் வங்கியில் புகுந்தமர்ம நபர் ஊழியர்கள் மீது மிளகாய் பொடி கலந்த தண்ணீரை ஸ்ப்ரே செய்து 3 நபர்களை கட்டிப்போட்டு கொள்ளை முயற்சியில் ஈடுபட்ட மர்ம நபரை பொதுமக்கள் உதவியுடன் போலீச
24-01-2023
திண்டுக்கல்லில் பட்டப் பகலில் வங்கியில் புகுந்தமர்ம நபர் ஊழியர்கள் மீது மிளகாய் பொடி கலந்த தண்ணீரை ஸ்ப்ரே செய்து 3 நபர்களை கட்டிப்போட்டு கொள்ளை முயற்சியில் ஈடுபட்ட மர்ம நபரை பொதுமக்கள் உதவியுடன் போலீச
திண்டுக்கல் - தாடிக்கொம்பு சாலையில் இந்தியன் ஓவர்சீஸ் வங்கி உள்ளது. வங்கியில் இன்று 24.01.2023 காலை நான்கு பேர் பணியில் ஈடுபட்டுள்ளனர். அப்பொழுது உள்ளே வந்த மர்ம நபர் கையில் மிளகாய் பொடி, ஸ்பிரே, கட்டிங் பிளேடு உட்பட ஆயுதங்களுடன் உள்ளே சென்றுள்ளார்.  பணியில் இருந்த ஊழியர்கள் மீது மிளகாய் பொடி தூவி ஸ்பிரே அடித்துள்ளார். பின்னர் தான் கொண்டு வந்த கயிற்றால் வங்கி ஊழியர்கள் 3 பேரை கையை கட்டிப்போட்டு கொள்ளை முயற்சியில் ஈடுபட முயன்ற போது வங்கி ஊழியர் ஒருவர் வெளியே ஓடி வந்து பொதுமக்களை பார்த்து கொள்ளை கொள்ளை  என கூச்சலிட்டு அழைத்ததார். பின்னர் பொதுமக்கள் வங்கியில் உள்ளே சென்றனர். இதனையடுத்து பொதுமக்கள் உதவியுடன் குற்றவாளி பிடித்தனர்.  இதனை அடுத்து திண்டுக்கல் மேற்கு காவல் நிலைய போலீசருக்கு தகவல் தெரிவிக்கப்பட்டது. சம்பவ இடத்திற்கு விரைந்து வந்த காவல் துறையினர் மர்ம நபரை பிடித்து விசாரித்ததில் திண்டுக்கல் பூச்சி நாயக்கன்பட்டியை சேர்ந்த கலீல் ரகுமான் (வயது 25) என்பது தெரிய வந்தது.இதையடுத்து கொள்ளையடிக்க முயன்ற கலீல் ரகுமானை திண்டுக்கல் மேற்கு காவல் நிலையத்திற்கு அழைத்துச் சென்று விசாரணை நடத்தி வருகின்றனர்.  போலீசார் விசாரணையில் வாழ்க்கை வெறுத்து விட்டதாகவும் அதனால் சினிமாவை பார்த்து தான் கொள்ளையடிக்க முயற்சி செய்ததாகவும் தற்போது வந்துள்ள துணிவு படம் உட்பட அனைத்து படங்களையும் பார்த்து கொள்ளை முயற்சியில் ஈடுபட்டதாகவும் தெரிவித்தார். பகல் நேரத்தில் பொதுமக்கள் அதிகம் வந்து செல்லும் சாலையில் வங்கியில் கொள்ளை முயற்சி நடந்ததால் பொதுமக்கள் மத்தியில் பரபரப்பும் அதிர்ச்சியும் ஏற்பட்டது.
செங்கல்பட்டு அருகே மூடாமல் இருந்த செப்டிக் டேங்கில் தவறி விழுந்து சிறுவன் பலியான சம்பவம்
24-01-2023
செங்கல்பட்டு அருகே மூடாமல் இருந்த செப்டிக் டேங்கில் தவறி விழுந்து சிறுவன் பலியான சம்பவம்
செங்கல்பட்டு அடுத்த சாஸ்திரம்பாக்கம் கிராமத்தை சேர்ந்தவர் மணிகண்டன் இவர் வெங்கடாபுரம் ஊராட்சி அலுவலகத்தில் உள்ள குடிநீர் சுத்திகரிப்பு நிலையத்தில் குடிநீர் பிடிக்க தனது 6 வயது மகன் பிரதீஷ் உடன் நேற்று சென்று தண்ணீர் பிடித்துள்ளார். தொடர்ந்து குழந்தை காணாமல் போனதால் அதிர்ந்த மணிகண்டன் சுற்றி தேடியுள்ளார். இதையடுத்து ஊராட்சி மன்ற அலுவலக வளாகத்தில் திறந்த நிலையில் இருந்த 'செப்டிக் டேங்க்' உள்ளே பார்த்த போது பிரதீஷ் மயங்கிய நிலையில் கிடந்து உள்ளார் குழந்தையை மீட்ட அக்கம்பக்கத்தினர் சிங்கப்பெருமாள் கோவில் பகுதியில் உள்ள தனியார் மருத்துவமனைக்கு கொண்டு சென்றனர். பரிசோதனை செய்த மருத்துவர்கள் குழந்தை ஏற்கனவே உயிரிழந்ததாக  தெரிவித்தனர். தகவலறிந்து பிரேதத்தை கைபற்றிய பாலூர் போலீசார் செங்கல்பட்டு அரசு மருத்துவமனைக்கு பிரேத பரிசோதனைக்காக  அனுப்பி வைத்தனர். ஊராட்சி நிர்வாகம் கவனக்குறைவாக செப்டிக் டேங்கை மூடாமல் அலட்சியமாக இருந்ததே இந்த சம்பவத்திற்கு காரணம் என கிராம மக்கள் குற்றம் சாட்டினர் இந்நிலையில் வெங்கடாபுரம் ஊராட்சி செயலாளர் ரேனுகா மற்றும் பம்பு ஆப்ரேட்டர் குணசேகரன் ஆகிய இருவரை சஸ்பெண்ட் செய்து செங்கல்பட்டு மாவட்ட ஆட்சியர் ராகுல்நாத் உத்தரவிட்டார். மேலும் சார் ஆட்சியர் தலைமையில் குழு அமைத்து ஊராட்சி மன்ற தலைவர் பாலாஜியிடம் விசாரணை நடத்த உத்தரவிட்டுள்ளார்  இதனை தொடர்ந்து செங்கல்பட்டு அரசு மருத்துவமனையில் சிறுவனின் உடல் பிரேத பரிசோதனை செய்யப்பட்டு பெற்றோரிடம் ஒப்படைக்கப்பட்டது. சிறுவனின் பெற்றோர்கள் செய்தியாளர்களிடம் பேசிய போது ஊராட்சி நிர்வாகத்தின் கவன குறைவின் காரணமாக தான் தனது மகனை பறிகொடுத்துள்ளோம் எங்களது மகன் உயிரிழந்ததை போல் இனி எந்த பெற்றோருக்கும் இது போல் சம்பவம் நடைபெறாமல் இருக்க அதிகாரிகள் நடவடிக்கை எடுக்க வேண்டும் என கண்ணீர் மல்க தெரிவித்தன
புதுச்சேரியில் இந்த பள்ளத்தால் தான் என் தாத்தா அடிப்பட்டார் என கூறி சாலையை சீரமைக்கும் சிறுவன். பொதுமக்களால் குவியும் பாராட்டு.
24-01-2023
புதுச்சேரியில் இந்த பள்ளத்தால் தான் என் தாத்தா அடிப்பட்டார் என கூறி சாலையை சீரமைக்கும் சிறுவன். பொதுமக்களால் குவியும் பாராட்டு.
புதுச்சேரி வில்லியனூர் பத்துக்கண்ணு சாலை பிரதான சாலையாக உள்ளது. தினந்தோறும் ஏராளமான வாகனங்கள் இச்சாலை வழியாக சென்று வருகிறது. இந்நிலையில் கடந்த 7 ஆண்டுகளாக இச்சாலை சீரமைக்கப்படாததால் ஆங்காங்கே ஜல்லிகள் பெயர்ந்து குண்டும் குழியுமாக மாறியுள்ளது. சில இடங்களில் பெரிய அளவில் பள்ளம் ஏற்பட்டுள்ளது. இதனால் இவ்வழியாக செல்லும் வாகன ஒட்டிகள் தினமும் சாலையில் உள்ள பள்ளத்தில் விழுந்து ரத்தக்காயங்களுடன் செல்கின்றனர். இந்தநிலையில் சேந்தநத்தம் பகுதியை சேர்ந்தவர் சேகர் (60) இவர் நேற்று முன்தினம் இரவு தனது பைக்கில் இச்சாலையில் செல்லும் போது பள்ளத்தில் விழுந்து பிரேக் போட்டுள்ளார் அப்போது பின்பக்கமாக வந்த பைக் மோதி கீழே விழுந்துள்ளார். இதனால் அவருக்கு காலில் எலும்பு முறிவு ஏற்பட்டு சென்னையில் சிகிச்சை பெற்று வருகிறார். அவரது ேபரன் மாசிலாமணி (13) என்ற சிறுவன். இவர் அரசு பள்ளியில் எட்டாம் வகுப்பு படித்து வருகிறார். தனது தாத்தா விழுந்த பள்ளத்தில் மற்றவர்கள் யாரும் விழுந்து அடிப்படக்கூடாது, ஏதேனும் உயிர் சேதம் ஏற்படக்கூடாது என்று எண்ணி இன்று காலை சாலையை சீரமைக்கும் பணியில் ஈடுபட்டார்.  எத்தனையோ பணக்காரர்கள், அரசியல் வாதிகள் சென்றுவரும் இச்சாலையில் ஒரு சிறுவன் தனி ஒரு ஆளாய் நின்று ஆங்காங்கே கிடக்கும் சிமெண்ட் கற்கல், சாலையோரம் உள்ள மணல் ஆகியோவற்றை போட்டு சுத்தியால் தட்டி தண்ணீர் ஊற்றி மட்டம் செய்து சாலையை சீரமைத்துள்ளார். சிறுவனின் இச்செயலை பார்த்த வாகன ஓட்டிகள் அச்சிறுவனை பாராட்டிவிட்டு சென்றனர். ஒரு சிறுவனின் இத்தகைய செயல் அரசுக்கு பெரும் தலைகுனிவை ஏற்படுத்தியுள்ளது. எனவே உடனடியாக இச்சாலையை சீரமைக்க வேண்டும் என பொதுமக்கள் கோரிக்கை வைக்கின்றனர்.
பட்டமளிப்பு விழாவில் நன்றி விசுவாசம் காட்டிய மாணவன்.
24-01-2023
பட்டமளிப்பு விழாவில் நன்றி விசுவாசம் காட்டிய மாணவன்.
லண்டனில் உள்ள பேய்ஸ் பிசினஸ் யுனிவர்சிட்டியில் பட்டமளிப்பு விழா நடைபெற்றது. அப்போது ஆதிஷ் ஆர் வாலி என்ற இந்திய மாணவர்  பட்டப்படிப்பு சான்றிதழை வாங்கச் சென்றபோது அவரது மாநிலமான கர்நாடகாவின் கொடியை தனது சட்டைப் பையில் இருந்து எடுத்து உயர்த்தி காட்டி நன்றி தெரிவித்தார்.  இது தொடர்பான வீடியோவை அவர் தனது ட்விட்டரில் பகிர்ந்துள்ளார். அதில், "நான் லண்டன் சிட்டி யுனிவர்சிட்டியின் பேயஸ் பிசினஸ் ஸ்கூலில் மேலாண்மை துறையில் பட்டம் பெற்றுள்ளேன். நான் அந்த விழாவின் கர்நாடக மாநில கொடியை ஏந்தினேன். அது ஒரு பெருமித தருணம்" என்று பதிவிட்டு உள்ளார்.  ஆதிஷ் வெளியிட்டுள்ள  இந்த வீடியோ ஜனவரி 21 ஆம் தேதி பதிவேற்றம் செய்யப்பட்டுள்ளது.  அந்த பகிர்வின் கீழ் கருத்து தெரிவித்துள்ள ஒருவர் "இந்திய கொடியைத் தான் ஏந்தியிருக்க வேண்டும்" என்று பதிவிட, அதற்கு பதிலளித்த மற்றொருவர், "கர்நாடகா இப்போதும் எப்போதும் இந்தியாவின் மகள் தான்.  இந்திய தேசத்தின் மீது எங்களின் பற்றை யாரும் கேள்விக்குறியாக்க வேண்டாம்" என்று குறிப்பிட்டுள்ளார்.